Croeso

Pat in front of a hedge

Darllen yn y Saesneg | Darllen yn y Gaeleg 

Croeso i adroddiad blynyddol Cod Carbon y Coetiroedd 2024 i 2025.

Mae hi wedi bod yn flwyddyn brysur wrth i ni barhau i helpu rheolwyr tir i ddatblygu prosiectau carbon coetiroedd ledled y DU.

Ein heffaith

Mae’r cod yn parhau i wneud cyfraniad sylweddol at greu coetiroedd a thargedau nwyon tŷ gwydr y DU.

Yn 2024 i 2025, dilyswyd 141 o brosiectau i’r cod, gan gwmpasu bron 5,000 hectar.

Rhagwelir y bydd prosiectau a ddilyswyd i’r cod yn awr yn atafaelu dros 29.1 miliwn tunnell fetrig o’r hyn sy’n cyfateb i garbon deusocsid dros eu hoes.

Datblygiad a gwelliant

Rydym wedi ymrwymo i wella a datblygu’r cod er mwyn i ni allu cael hyd yn oed mwy o effaith yn y dyfodol.

Eleni, rydym wedi ehangu ein tîm, wedi gwella ein gweithgaredd cyfathrebu ac ymgysylltu a chymryd mesurau ychwanegol i gryfhau’r prosesau sy’n ategu’r cod, gan gynnwys contractau prynwr gwerthwr.

Rydym yn llawn cyffro i fod yn rhan o’r Her Technoleg Sifil, sy’n archwilio sut y gallwn ddefnyddio technolegau arloesol i wneud ein prosesau monitro a gweinyddu yn fwy hygyrch, cywir ac effeithlon.

Cyd-destun ehangach

Mae datblygiadau pwysig wedi bod mewn marchnadoedd natur. Rydym yn falch o weld cyhoeddi:

  • Egwyddorion Uniondeb Gwirfoddol a Marchnadoedd Natur Llywodraeth y DU
  • Fframwaith Marchnad Gyfalaf Naturiol Llywodraeth yr Alban
  • Ymgynghoriad Llywodraeth Cymru ar egwyddorion budsoddi cynaliadwy

Rydym hefyd wedi ymgysylltu â’r dilyniant o safonau marchnad natur sy’n cael eu datblygu gan y Sefydliad Safonau Prydeinig.

Mae’r cynlluniau hyn yn gydnabyddiaeth bwysig o werth marchnadoedd natur gwirfoddol o uniondeb uchel mewn mynd i’r afael â’r argyfyngau hinsawdd a bioamrywiaeth.

Diolch

Hoffwn i ddiolch i’n holl sefydliadau partner, datblygwyr prosiectau a phrynwyr carbon am eich cymorth dros y flwyddyn ddiwethaf.

Trwy weithio gyda’n gilydd, rydym yn gwneud cyfraniad hollbwysig i’n hamgylchedd naturiol ac yn helpu i fynd i’r afael â’r argyfwng hinsawdd.

Pat Snowdon
Pennaeth Economeg a’r Cod Carbon Coetir 
Coedwigaeth yr Alban

 

Anfonwch e-bost atom os hoffech ofyn am fersiwn Gaeleg neu Gymraeg o’r adroddiad blynyddol hwn.  

Did you find this page helpful?

Rate your experience

Your feedback helps us to improve this website. If you would like a response, please include your email address.

Your feedback helps us to improve this website. If you would like a response, please include your email address.