Darllen yn y Saesneg | Darllen yn y Gaeleg
Croeso i adroddiad blynyddol y Cod Carbon Coetiroedd 2025 i 2026.
Eleni, mae’r Cod Carbon Coetiroedd wedi parhau i ehangu ei effaith, gan gefnogi creu coetiroedd ledled y DU a chryfhau hyder mewn marchnadoedd carbon cywirdeb uchel.
Ein heffaith
Mae’r cod yn parhau i wneud cyfraniad sylweddol at greu coetiroedd a thargedau lleihau nwyon tŷ gwydr y DU.
Yn 2025 i 2026:
- Cafodd 145 o brosiectau eu dilysu i’r cod
- Cafodd 6,762 hectar o goetiroedd newydd eu creu
Rhagwelir y bydd prosiectau a ddilyswyd i’r cod yn atafaelu’r hyn sy’n cyfateb i 15.7 miliwn tunnell o garbon deuocsid dros eu hoes.
Gyda’i gilydd, mae’r prosiectau hyn yn cyfrannu at weithredu hinsawdd cywirdeb uchel tra’n cyflawni buddion ehangach i natur a chymunedau.
Datblygu a gwella
Rydym wedi ymrwymo i wella’r cod yn barhaus i uchafu ei effaith, gan weithio gydag arbenigwyr ar draws y sector. Byddwn yn defnyddio technolegau newydd i ddarparu proses ddilysu a gwirio fwy rhyng-gysylltiedig.
Yn ystod 2025 i 2026, fe wnaethom ddatblygu amrediad o weithgareddau datblygu allweddol, gan gynnwys:
- Lansio fersiwn 3 y cod
- Mynd i mewn i asesiad gyda’r Cyngor Cywirdeb ar gyfer y Farchnad Garbon Wirfoddol
- Datblygu technolegau newydd trwy CivTech
Fe wnaethom gynorthwyo partneriaid i archwilio datblygiadau marchnad y dyfodol, gan gynnwys:
- Mesur ac adrodd am fioamrywiaeth
- Cronfa prynu carbon coetiroedd
- Cod dŵr coetiroedd
- Safonau marchnad y Sefydliad Safonau Prydeinig
Cydnabyddiaeth
Roeddem wrth ein boddau fod y Cod Carbon Coetiroedd wedi’i enwi fel enillydd yng Ngwobrau Hinsawdd Arweinyddion Lleol 2025 Bloomberg Philanthropies yn Fforwm Arweinyddion Lleol COP30 yn Rio de Janeiro yn Nhachwedd.
Derbyniodd y Cod Carbon Coetiroedd a Llywodraeth yr Alban y wobr Pŵer Partneriaeth, gan gydnabod ein gwaith mewn dod â pherchenogion tir, cwmnïau a chymunedau at ei gilydd i gefnogi creu coetiroedd a gweithredu hinsawdd.
Roeddem hefyd yn falch fod Dr Vicky West, Uwch Reolwr Datblygu’r cod, ac Alex MacKinnon, un o aelodau ein bwrdd cynghori, wedi cyrraedd y rhestr fer yn y Gwobrau Confor. Cafodd Vicky ac Alex eu henwbu yn y categori arloesedd sero net, gan gydnabod eu cyfraniad at ymdrechion y diwydiant coedwigaeth a choed i gyflawni uchelgeisiau sero net y DU.
Mae’r cydnabyddiaethau hyn yn amlygu dylanwad cynyddol y cod yn y DU a gweithredu hinsawdd rhyngwladol.
Diolch
Hoffwn i ddiolch i’n sefydliadau partner, datblygwyr prosiectau a phrynwyr carbon am eu cymorth parhaol. Mae llwyddiant y cod yn tystio i’ch arbenigedd, ymrwymiad a chydweithrediad.
Trwy weithio gyda’n gilydd, rydym yn gwneud cyfraniad hanfodol at ein hamgylchedd naturiol ac yn helpu i fynd i’r afael â’r argyfwng hinsawdd.
Pat Snowdon
Pennaeth Economeg a’r Cod Carbon Coetiroedd
Coedwigaeth yr Alban
Anfonwch e-bost atom os hoffech ofyn am fersiwn Gaeleg neu Gymraeg o’r adroddiad blynyddol hwn.